陳國峰恨生仔當Bob反面教材
藝人陳國峰（Penny）昨日與女友Wing簽字結婚，期間外父對Penny謂：「怕老婆先會發達！」Penny說會全力造人，希望先生仔再生女，所以不會向生了三位女兒的林盛斌（Bob）學習：「佢做嗰啲嘢我唔好做！」
陳國峰昨與女友Wing結束八年愛情長跑簽字結婚，一對新人交換戒指後咀足30秒，外父對Penny謂：「怕老婆先會發達！」不少藝人到賀，昔日情侶羅孝勇與林欣彤同場，但全程沒有交流，經常與Penny主持電視節目的林盛斌也有到場。
凱琳嫁硬嘉穎
Penny被問是否開始造人大計，他說：「正有此意！不過可能趕唔切猴B啦，想生仔先，問埋阿Bob（育有三女兒）意見，佢做嗰啲嘢我唔好做！」
陳凱琳單拖到賀，問何時與男友鄭嘉穎成婚？她表示：「有溝通過，但唔需要同大家交代啦，我哋有共識。」她謂父母十分喜歡嘉穎，覺得嘉穎有禮貌：「見我哋傾偈，就知點解我哋咁夾。（被催婚？）唔會，拍咗唔係好耐，慢慢嚟啦。」
威廉唔娶庭欣
緋聞情侶翟威廉與陳庭欣亦有到場，被多次拍得撐枱腳的兩人繼續不認相戀，問翟威廉是否來取經？他謂：「佢要專注工作，我都係。（儲錢結婚？）太遙遠，怕兌現唔到，依家唯一就係期望今晚（昨晚）六合彩！」問如中獎是否可作結婚基金？庭欣說：「咩基金都好啦。」翟威廉則謂：「係呀，救救小威廉基金啦！」
文：影視組