馬國明「雪」夠皮夥阿佘殺敵

無綫小生馬國明昨日亦有撐場兼企中間，提到他與佘詩曼（阿佘）早前到德國為無綫拍攝的微電影《愛情來的時候2》，會否成為myTV SUPER頭炮之作？他笑說：「唔知！淨係知會喺度播。（阿佘告別作？）佢4月都開工重拍《千王之王》，我都有份拍，我一年冇拍劇。（畀人雪藏？）唔係！我未滿約，公司陣容強大又好多新人，7月會再拍劇，公司知我抖夠。」
馬國明一年冇拍劇，笑言「復出」唔怕演技生疏。
馬國明一年冇拍劇，笑言「復出」唔怕演技生疏。

馬國明希望在《千》劇中與佘詩曼有談情戲：「之前同佢都係拍好短嘅單元劇，佢演技毋庸置疑。」他又指與謝賢有對手戲，問到會否驚被摑？他說：「唔驚！劇情需要就任摑。（驚佢脾氣大？）唔會！長輩通常好好人，我媽咪好鍾意佢。（帶媽媽探班？）佢會問我去邊拍。」

馬國明與佘詩曼的《愛2》將於myTV SUPER播放。
  • 馬國明與佘詩曼的《愛2》將於myTV SUPER播放。