無綫掟200萬打電視戰敏之坤坤「格」鬥搶金

無綫昨日在尖沙咀舉行記者會，宣布全新網絡平台「myTV SUPER」將於下月18日正式推出，觀眾可於本月15日開始率先體驗嶄新電視體驗！「myTV SUPER」共有20條頻道，提供高畫質與無縫重溫等功能，又會重金外購中、韓、台及日劇，為觀眾帶來嶄新體驗。無綫總經理鄭善強受訪時透露今次投資以億元計，估計兩、三年可回本。提到網絡電視競爭大，他坦言不擔心競爭：「我哋好有信心，相信可以帶畀觀眾新體驗，畫面又靚、操作又方便。（擔心影響無綫收視？）唔會！希望會有增加，或者收視會左袋去右袋，但冇蝕嘅。」

教整曲奇Vs免費任摸

據知，「myTV SUPER」將推出創新節目，任由藝人發揮創意，並加強藝人與觀眾互動及溝通渠道。節目以「格仔舖」形式讓藝人自拍短片，在節目中宣傳自己以博取觀眾點擊，全年統計點擊率最高的十位藝人將可瓜分200萬獎金！記者昨日致電陳敏之，她坦言已與公司傾過：「諗過可以喺條片度同啲師傅齊齊教人整曲奇餅，依家咁多觀眾鍾意睇飲食節目，但想有創意同得意啲。（有信心贏獎金？）嘩！吳業坤網上咁多Fans，但我有信心，十分之一都好大機會入圍！」至於吳業坤則透露傾盡「身家」搶Like：「我會攞啲珍藏漫畫出嚟玩，都有成百幾本o架！賣得好平嘅，都係二手價20蚊本，仲會附送免費任摸，但唔可以摸敏感位置喎，要呃Like唯有出呢招絕招！（有信心成為首十位最多Like藝人？）冇呀，因為我渣囉！」

高海寧唔預緋聞男友鄧智偉煲劇，當然有其他嘢做喇！	蔡思貝（右）與劉佩玥齊齊晒腿，美色吸客。	陳敏之與吳業坤對「TV格仔舖」甚有興趣，絞盡腦汁準備搶錢。

高海寧「獨家」煲劇

昨日記者會上，一班小生花旦如馬國明、蕭正楠、黃浩然、蔡思貝、高海寧與劉佩玥等30多位藝員撐場。自認是「宅女」愛煲劇的高海寧，受訪時笑言日後擁有「myTV SUPER」機頂盒後便可盡情在家煲劇，問到會否相約緋聞男友鄧智偉一齊煲劇？她即面紅紅表示與對方只是傳緋聞：「緋聞嚟啫！（約佢煲劇？）人哋好忙，唔得閒同我煲，我專心自己煲。（你有約佢煲劇？）冇約！搞到人面都紅埋！（同鄧智偉表現咁曖昧？）邊有曖昧！做嘢先。（未揀定男友？）睇定啲先，我通常冇咩緋聞，唔想緋聞關係咁『茂盛』，畀啲空間我。」高海寧其後受訪時講到電視大戰，她笑言對公司有信心：「TVB喺香港同海外都係好強大嘅平台，多年嚟表現好穩定，自己最鍾意煲劇，畀錢都會裝。」

吳業坤	高層李寶安（左起）與鄭善強舉杯預祝打贏電視戰！

文：影視組