打女玩低胸嘉桓波動震退DaDa
昨晚陳凱琳、陳靜及陳嘉桓等一眾女藝人以性感裝束出席皮草活動，「三陳」中以陳嘉桓拋胸最有睇頭，向來走清純打女路線的她，穿上低胸裙狂谷雙峰，她不時整理皮草披肩，加上姿體擺動，令豐滿身段表露無遺，連「咪神」陳靜（DaDa）都要讓路！
前晚香港國際毛皮時裝展覽之「皮草之夜2016」舉行，陳凱琳、陳靜、陳嘉桓及歐陽巧瑩等，都性感登場！平日的健康打女陳嘉桓，穿粉紅色tube dress的出場，上圍澎湃，她不時整理皮草披肩，加上姿體擺動，令豐滿身段表露無遺。
凱琳撐千雪讀書
陳凱琳穿紅色tube dress露香肩，但風頭明顯不敵嘉桓，問男友鄭嘉穎可會不准她性感？她說：「佢唔會，都唔會過問，不過我會畀佢睇，佢每次都會話好靚，佢覺得我品味幾好。」對於有指前港姐朱千雪（Tracy）重返校園被陳凱琳搶工作？她說：「冇聽過，我同Tracy係朋友，每樣嘢都有佢嘅時間，睇佢之後喺邊方面發展。（有冇多咗工作？）唔清楚，每個藝人都有自己工作安排，唔會有衝突。（有冇啲劇本係佢嘅而你接咗？）相信冇咁嘅事，（支技佢轉行？）每人都有選擇空間，要尊重佢選擇。」
要搵食唔會封胸
DaDa否認封胸，笑指只是在電影上：「我冇話要封胸，接騷冇問題，唔會話收定放，都要搵食。自己喺電影嘅作品已經好性感，唔會刻意賣弄。」回復單身的她又表示希望猴年會遇到真姻緣。
文：名人組