琦琦限制女兒食即食麵

名模琦琦昨日出席好友虞茱迪鞋履店開幕活動,來去匆匆的她透露將趕搭兩點半飛機去北京工作,認真畀面!琦琦透露囡囡現考試中,但毋須監督她讀書:「佢好生性,會自動波讀書,仲緊張過我,唔使我擔心。(佢有咩要你擔心?)佢唔鍾意食生果,鍾意食即食麵,農曆新年求我畀佢食即食麵,聖誕節、我生日都畀佢食過,總之大時大節先可以食。因為冇益又唔健康,我一年畀佢食三次,佢每次食都話so yummy!」她又謂囡囡雖然愛吃朱古力,但怕肥不敢吃,被指遺傳了她有做模特兒基因,琦琦不置可否,只讚女兒揀衫有眼光。