童愛玲台灣放炮仗

藝人童愛玲昨日出席活動時表示農曆新年返台灣與家人過年,此行有新發現:「香港過年好多傳統都冇咗,今次返台灣,台北市政府特別喺公園條河隔籬劃咗一塊地,畀人放炮仗,我個仔好開心,放足三日!由第一日買幾百蚊玩吓,媽咪話我哋唔夠人有氣勢,結果第二日買咗二、三千港元炮仗再放,估唔到我媽咪係老頑童,我覺得大家過年可以試吓去台灣放炮仗,好開心o架!」

數年前她飼養的金毛犬逝世,終於今次在台灣買了一隻拉布拉多狗,待檢查完畢便會送來香港。