黃芷晴做感情社工自身難保

黃日華女兒黃芷晴昨晚出席活動時表示情人節與好友「牛雜妹」李美琪一起過：「我哋兩個都冇男朋友，佢16號生日，我叫佢嚟我屋企打邊爐。我仲買晒啲心形氣球布置，又去街市買餸，佢上到嚟見到嚇死佢，我都係第一次做呢啲嘢。（冇男仔約？）唔知點解，不過唔緊要。屋企人都冇催。」黃芷晴又謂最近變了做社工，好多朋友問她感情方面的意見：「我都畀唔到意見佢哋，我自己都未搞掂自己。」
黃芷晴情人節冇人約，惟有孖好友一齊過。
黃芷晴情人節冇人約，惟有孖好友一齊過。

同場的鄭融問到老闆林盛斌（Bob）在社交網站tag了她捐利是，她說：「梗係支持，唔止係一封，睇自己能力，我會捐幾千蚊。」她又透露下星期將到美國演出：「我首新歌有句歌詞係『任何地方都要擁吻』，我構思緊搵唔同o既景點唱呢句歌詞，拍video同fans分享。（你會唔會喺公眾地方做親熱行為？）咁一定唔會旁若無人咁好親熱，我控制能力好高，另一半o既控制能力都OK。」

鄭融自言自制能力高，不會當眾有過分親熱行為。
  • 鄭融自言自制能力高，不會當眾有過分親熱行為。