陳鈺芸埋身肉搏眼皮中劍

武打女星陳鈺芸（JuJu）早前有份參演電影《臥虎藏龍：青冥寶劍》，飾演武林四大高手之一「湘西無影鏢」，首次跟甄子丹、楊紫瓊及導演袁和平（八爺）合作，表示看到偶像瞬間好緊張。一直很仰慕子丹的JuJu更大讚對方有才華又打得，惟戲內戲外也未有機會過招：「佢係一個我好尊重嘅大師級武打巨星，我係抱住向佢學習嘅心態，今次同佢一齊拍戲都學到好多嘢，佢做事非常認真，每一場都擺好多心思落去，特別打鬥動作非常靚。」