文凱玲節食腳軟 媽咪嗌停

情竇初開的文凱玲曾為增加外形的吸引力，錯誤減肥。

擁有33D、23、34美好身段的Connie，外形亮麗，但原來在讀中學期間是一個戴眼鏡的肥妹仔，高峰期更試過140磅。由於當年肥嘟嘟，性格又男仔頭愛運動，故此沒有男生敢追求。Connie當初也不當一回事，但到後期見到好多朋友都開始拍拖，令到Connie萌起減肥變靚的想法，她謂：「見到身邊啲朋友一個又一個咁拍拖，自己都想，所以就開始用各式各樣嘅方法減肥，希望啲男仔都會留意吓我。」

努力修身

Connie初初減肥，用了不少極端的方法，包括節食，但效果很差，她謂：「節食令到個面色好差，仲試過一次起身直頭落唔到床，要嗌媽咪幫手。（嚇到佢好驚？）當然會嚇親，即刻扶我起身同畀包餅我食，之後仲唔畀我再節食減肥。」Connie經過今次教訓，之後使用正確方法減肥，跑步配合適量的飲食，慢慢終於由140磅「煉成」現在fit爆身形，她笑言現在仍不時要為上鏡而努力修身，難怪不少人說減肥是女人的終身事業。

fit爆的文凱玲（右）曾夥拍何浩文及林莉嫻拍《鴨王2》。

文凱玲自爆中學時期的體重達140磅。

文：影視組

場地提供：wildfire pizzabar & grill