王梓軒放棄搵銀鬥歌爭名氣
歌手王梓軒日前承認參加內地央視的大型音樂比賽《中國好歌曲》，他表示兩年前已有機會參加：「佢哋鍾意我之前首《心足》，想我喺短時間寫首類似嘅歌參賽，但嗰時拍緊劇，作品水準未夠好唔入圍。直至上年幫莫文蔚寫咗《境外》，喺內地點擊率超過3,000萬，再吸引到導演組嘅目光。」
今次為了參賽，王梓軒說犧牲了擔任電影「男一」的機會：「同公司傾過，都係想擁抱初衷，為音樂接受挑戰，本身電影收入都幾可觀o架。」他又說今次比賽晉級機會不大，但因之前承諾過婆婆會在兩年內名成利就，成家立室，所以決定一試。