坤坤約拜年 嘉欣唔上釣

對於去年在樂壇的成績，吳業坤謂：「覺得死而無憾！有好嘅作品，大家記得我嘅歌，又攞咗好意義重大嘅獎，賺咗好多名氣同粉絲。」所以坤坤在農曆新年期間預備了五位數利是：「入行到依家都有封利是，今年攞多啲出嚟，當係心意。」

終極目標踏紅館

坤坤之前跟緋聞女友龔嘉欣上契，並封對方為「坤姐」，更表示歡迎嘉欣到他家拜年，可以雙方「見家長」之餘兼讓他多逗利是。問嘉欣最終可有上門拜年？坤坤坦言：「冇，因為佢成日都唔喺香港，好忙，少咗見。」與嘉欣合作的《愛‧回家》將拍畢，問坤坤可期待在其他劇與嘉欣合作或演情侶？他說：「演情侶好難，我哋姊弟形象太深入民心。」談到兩人現實中的關係，坤坤說：「世界無奇不有，但呢刻佢係好姐姐，一定要冠以名分畀佢，感覺大家似家人多過戀人。」

講到新年願望，坤坤最希望開個人騷：「逐步嚟，可能開住一千人先，再慢慢升上去。（最終目標紅館？）係，或者巡迴。」他亦希望今年出碟，為開騷儲更多歌。而曾客串電影的他也想多嘗試大銀幕工作，直言想挑戰做番自己的角色。

為了開個人騷，坤坤希望今年出碟多儲歌曲。	坤坤早前與緋聞女友龔嘉欣上契。	坤坤在頒獎禮領獎時喊到眼鏡起霧，成為一時熱話。

女友唔一定要靚

談到拍拖，坤坤表示沒時間：「藝人冇收工一刻，休息其實都係做緊嘢。（搵番圈中人可以體諒你？）呢個要時間搵，好難。（有咩要求？）唔使靚，我覺得係要提到大家點樣做得更好，要眾裏尋她。（媽咪催？）冇，叫我唔好咁早添，搵多啲錢先，隨緣啦。」

文：音樂組

攝：劉斌

場地：安達中心CEO Neway

服裝：American Eagle Outfitters