高海寧 冧財氣考慮嫁鄧智偉
無綫花旦高海寧昨日為日本投資公司擔任開幕禮嘉賓，自認對投資日本深感興趣，有意買樓兼供弟弟到當地留學。志願做「包租婆」的她又自爆「搵好老公」的過程進行中，提到緋聞男友「音樂才子」鄧智偉時即激讚：「高、富、帥嚟o架喎！可以考慮吓。」
席上，高海寧重提早前遇上的交通意外，嘆對方不顧而去：「可能佢架旅遊巴太高睇我唔到，好彩煞得切，唔係就畀佢夾埋壆！依家凹咗要去車房整，大約一萬蚊。」她重申因車Cam失靈，希望警方開「天眼」緝兇，又笑言今次當小破財，打算下月1日買六合彩，博贏一億金多寶獎金！