周潤發勝負睇得開嘉玲笑認小女人

周潤發（發哥）、劉嘉玲昨晚於洲際酒店出席電影《賭城風雲Ⅲ》的新春晚宴，現場筵開30多席，期間更宣布此片內地及港澳票房合共超越十億港幣，難怪現場的演員都心情甚佳。穿deep V花裙示人的嘉玲，訪問時更不時說笑，而傳媒要求發嫂上台影合照時，發哥又抵死謂：「佢今日個造型set咗成日，就係等呢一刻！」二人合照後他留機會讓老婆影單人相，發嫂即笑住尾隨跟着他走，場面搞笑。

賀歲片三贏

談到票房，發哥坦言從來沒感到壓力大：「劇組話比上一集多咗少少，都有交代。」嘉玲則笑指今年由港人掛帥的三部賀歲片《賭Ⅲ》、《美人魚》、《西遊記之孫悟空三打白骨精》都有很好的票房，預計內地應很快可破五十億人民幣，能有如此好成績，當然戥港人高興。

劉嘉玲風騷自認小女人。	周潤發邀發嫂合照時，笑她花很多時間打扮。	劉嘉玲（左起）、周潤發、發嫂及劉偉強出席新春晚宴。

隨緣開續集

而說到票房不及周星馳的《美人魚》，嘉玲坦言有看《美》片，更稱戥周星馳開心，而發哥亦謂：「無所謂啦！我們80年代拍了很多賀歲片，有贏有輸，這是過程。」在旁的嘉玲即打趣謂：「我生氣，我們不應該輸，我比較小女人。」問及會否開拍第四集時，發哥坦言無所謂，看王晶導演意願，不過嘉玲又笑言：「我要睇劇本o架！至少戲份要多啲。」

文：影視組