麥明詩搵正財遊返劍橋

應屆港姐冠軍麥明詩（Louisa）、亞軍龐卓欣、季軍郭嘉文以及友誼小姐林凱恩昨日在電視城出席《無綫丙申年新春團拜嘉年華》活動，林凱恩成功以「開胸」透性感搶鏡。化身財神的安德尊主持「Bingo」環節，但四位港姐均未能中獎，Louisa笑言：「冇橫財惟有靠正財！」

龐卓欣關注動物

簽約無綫後Louisa司儀工作不斷，除了有份主持明珠台節目《港生活•港享受》，她即將主持新旅遊節目，負責到英國介紹母校劍橋大學，她說：「自從畢業之後都冇返過去，我都有朋友喺嗰邊，希望佢哋肯出鏡。（男友林作一齊去？）佢工作都好忙。（你支持佢？）支持大家再創高峰，開開心心做大家想做嘅嘢。」

龐卓欣尚未與無綫簽約，樂於繼續經營網上頻道，亦會出席公益活動，對愛護動物尤其關注，拒絕支持動物被人道毀滅。已飼養兩狗的她更打算多領養兩隻，出一分力！

一眾高層齊摸醒獅，喜氣洋洋！

四位港姐第一時間搵財神安德尊沾旺氣。

李寶安祝出入平安

昨日不少無綫高層亦有出席，包括電視廣播有限公司主席陳國強博士、總經理鄭善強、集團行政總裁李寶安、樂易玲、曾勵珍等，李寶安更就年初一旺角暴亂事件祝願各同事出入平安：「新聞部同事當日表現卓越、展現出新聞部嘅無懼求真。」並向兩位當日受傷的員工送上慰問。

文：影視組