洪卓立湯怡認老冇膽尋刺激

英皇一眾藝人洪卓立（Ken）、湯怡、泳兒、鍾舒漫（Sherman）、陳家樂、羅力威、許靖韻、張致恒、陳凱彤等昨日現身「東華慈善嘉年華」，大玩「雙層旋轉木馬」及「鞦韆樹」的機動遊戲，難得到嘉年華的他們非常興奮，更把握機會不斷自拍！眾人當中以陳家樂、陳凱彤及洪杰最為大膽，挑戰刺激程度爆晒燈的「極速空降」及「陀飛輪」。

賣口乖力sell女友

全程形影不離的Ken及女友湯怡表示以前曾拍拖到內地的樂園遊玩，不過Ken自嘲一把年紀，不是所有機動遊戲都夠膽玩。湯怡亦笑說：「我哋啱啱開始拍拖年紀仲細，跳樓機嗰啲夠膽玩完再玩，依家個膽細咗。」提到前日情人節，Ken表示兩人在家中煮飯仔，又透露準備給女友的驚喜失敗收場。湯怡解釋說：「年廿八我大掃除嘅時候，喺櫃頂搵到樣我未見過(口既)嘢，估到係禮物。」Ken指禮物是不會凋謝的玫瑰花：「我覺得情人節通常都會送花，但會謝，我呢個可以keep兩、三年。」不過湯怡就投訴兩人協議好不送禮物給對方，但Ken每次都會偷偷準備。另Ken透露湯怡將會開YouTube頻道教大家下廚，更賣口乖說：「有冇見過咁靚女(口既)教人煮嘢食？冇囉！」身邊的湯怡即尷尬說：「你over咗囉！」

洪卓立及女友湯怡形影不離，齊玩機動遊戲！	放大圖片	陳凱彤、陳家樂挑戰超刺激遊戲「陀飛輪」，面不改容。

泳兒情人節睇三級片

而泳兒就笑言情人節與男友看三級片，單身的Sherman就指身邊有很多人陪伴，所以不愁寂寞。問到可有人為她介紹對象？她說：「冇特別介紹，最多講吓笑啫，順其自然啦。」而羅力威就指自己昨日在家封利是。問到可有到女友雨僑家拜年？他想了數秒後才回應說：「我有去好多親戚朋友度拜年，仲同好多朋友小玩兩手，好開心贏咗少少。」之後又扯開話題，表示新一年希望大家相處得融融洽洽。問到可會盡早結婚？他就拖泳兒及Sherman落水說：「作為師弟嘅我，梗係師姐先啦！」

文：音樂組　

攝：李柏儒