陳柏宇啜爆蔡穎恩

歌手陳柏宇(Jason)慶祝入行10年,前日首任舞台劇男一的他獻出舞台初吻給蔡穎恩(Evelyn),同場演出者有湯駿業及電台DJ Donald(唐劍康)等。Jason和Evelyn在劇中除要獻唱新歌外,他還兼任攝影師一職,邊演出邊拍攝演出片段,並於舞台的大銀幕作現場直播,而全劇高潮位乃Jason對Evelyn獻吻,他本只需輕吻女主角臉頰,但正式演出時卻因太投入變成「大力啜」,錫聲更大到連坐在最後一排的觀眾都清晰聽見。

事後Jason笑言沒因大力錫Evelyn而感尷尬:「我同Evelyn太熟,如果只係細細力錫,仲怕佢覺得痕而忍唔住爆笑,不如用力啲,等佢感受到實在嘅一吻,只係諗唔到咁大聲啫。」他又指吻戲屬小兒科,不擔心女友呷醋,只擔心其「啜功」影響Evelyn妝容。