方力申求婚有驚喜

歌手方力申昨日出席跑馬地賽馬會活動，問到前日情人節如何與女友鄧麗欣（Stephy）度過？小方透露只與女友簡單食餐飯慶祝，講到他在網上大放「閃光彈」，是否已求婚成功？他直言求婚一定會有驚喜：「女仔咁重視，我都會重視嘅，我有時都係睇新聞先知佢咁重視呢啲嘢，成日都互相睇對方新聞攞料。」

問到今年可會即興閃婚？小方即支吾以對謂：「唔會即興，全部都有計劃嘅，但都係以驚喜為主啦。」他又講到大家見到的相是之前兩人一齊去西藏時所影，坦言過去兩人地下情很少會拖手，而在西藏的旅程中有互相扶持。