1億橫財夢周秀娜8千8博一鋪

周秀娜：「嘩！有一億咁多，我會預8,880蚊買晒電腦飛，再畫多兩張心水飛博一博，買嗰日會着到紅噹噹，再check埋猴年財位，睇吓邊間投注站有利。如果我真係中一億，一定會捐一半做善事，剩番嘅做投資，搞新生意，想開一間Speed Dating公司！」

張秀文：「嚟緊係一億？我會去投注站排隊再買，咁先有誠意，力不到不為財呀！我會自己畫飛，通常都買番自己生日號碼9、26。中咗一億嘅話，我會擺喺戶口，得閒check吓餘額，睇見咁多個零應該好興奮，之後睇吓點攞呢一億錢賺錢，譬如買樓投資，希望將佢愈變愈大。」

張秀文	高海寧	梁思浩

高海寧：「我冇乜橫財運，如果中咗一億，至少拎一半做善事，譬如喺山區起學校，幫助小朋友讀書，或助養非洲嘅難民、兒童。另一半可能買層樓，或者去旅行，去啲未去過又好想去嘅地方，增廣見聞。」

麥明詩

黃美棋

梁思浩：「每次有大彩池，朋友都會搵我夾份，上次苑瓊丹、陳彥行捉我夾份結果中咗960蚊，今次我哋每人夾120蚊。送多一個貼士畀大家，凡入投注站前，同自己心諗：『如果真係天降橫財中咗獎，第一件事會拎幾多錢出嚟做善事。』如果我中咗一億，三分一做善事先，其餘三分二慢慢諗點用啦。」

麥明詩：「平時好少買六合彩，驚自己唔記得對，中獎都唔知。今次會湊吓熱鬧，我會買13、14，『最危險嘅地方就係最安全嘅地方』，大家覺得最唔lucky嘅號碼，其實就係最lucky嘅號碼！中咗一億，我會喺香港買間獨立屋，咁就差不多用晒。」

黃美棋：「我梗會買六合彩博一博啦，中唔到頭獎中二獎都好呀！我打算買一張電腦飛，再畫一張六個號碼嘅飛。如果中咗一億，會攞部分做善事，安居樂業之餘，再分啲畀父母，等佢哋都安居樂業，然後開套戲畀自己拍，搵我鍾意嘅演員合作。」