笑彭健新幼似筷子阿倫：佢老婆都咁話
一連八場《溫拿NEVER SAY GOODBYE演唱會2016》前晚年初六在紅館舉行最後一場，不少圈中人包括韓國男團Super Junior-M成員周覓、樂易玲、陳國邦夫婦、林家棟等來捧場。溫拿在演唱串燒歌前，譚詠麟（阿倫）向台下觀眾表示：「大家要為香港整個口號出嚟！」葉智強即說：「I love Hong Kong！」阿倫聞言讚阿強：「今晚你開口幾次都好掂！大家一條心望香港好。」
完騷五人接受訪問，問到阿倫為何當歌迷向五人送花時，指彭健新不良於行？阿倫謂：「佢冇事，係健仔要孭住支結他好重啫，不過佢雙腳好幼似筷子腳，啲女仔見到好羨慕。」阿倫其後又搞笑說：「連佢老婆都話佢除咗條褲隻腳幼到呢！」健仔即強調：「係講緊對腳呀！」提到陳友為新歌創出「躝癱舞」，鍾鎮濤笑言：「佢晨操時學嘅，用嚟鬆骨。」最抵死是陳友更即席示範跳多次，更形容為中國國粹。
