Ana R.迷信「好」字想追仔
名模Ana R.第一年與女兒Maya度過中國農曆新年，從搬新屋至新成員加入，坦言很大轉變：「每日都有新嘅事，好興奮！」問到會否想追多個兒子？鬼妹仔性格的她也迷信湊成「好」字：「要等個女一、兩歲先，因為照顧BB花太多工夫，同時又要兼顧屋企、老公同自己。」
至於有否意見給予準媽媽Jessica C.？Ana認真地說：「要做足準備，預咗冇得瞓。第一個月時我完全瞓唔到，小小聲都醒，冇熟睡過。（有壓力？）相信每位新手媽咪都有，怕BB食唔飽、着唔夠，喊又唔知佢餓定瀨尿。」
Ana表示家中狗狗與女兒相處融洽，經常陪伴左右：「啲人話屋企有新成員，狗狗可能會呷醋，幸好佢哋冇，亦冇爭Maya啲玩具，好乖。」
