梁雨恩搵白馬王子閃婚

適逢農曆新年，歌手梁雨恩（Cathy）日前專誠到花店學插花為家裏增添新年擺設，她表示最喜愛繡球花及粉色系列的花朵：「我覺得擺喺屋企好溫暖同浪漫，（擺桃花陣？）咁又唔會，但我有去騎木馬，希望新一年可以遇到白馬王子，因為我都恨嫁，未拍拖就想結婚，如果遇到啱嘅人唔排除會閃婚，我接受到拍拖一年內結婚，（白馬王子要有咩條件？）感覺最重要，否則就算條件中晒，冇感覺都係唔得，希望未來3至5年內可以結婚。」