衛詩雅情侶手繩　箍緊男友心

衛詩雅與拍拖兩年的圈外男友感情穩定，由於今年情人節她要到馬來西亞拍戲，故提早慶祝情人節，早前她又到英皇珠寶購買情侶手繩，寓意成雙成對的意思，她說：「我好鍾意情侶首飾，情侶手繩更加係good choice，因為一個人戴唔到，要兩個人一齊將手繩拉緊，寓意永遠同對方扣緊嘅意思，（男友就係你想扣緊嗰個？）依家最想扣緊嘅係電影至真，哈哈！不過電影演得再好，都要有愛情滋潤先得，我覺得有好sweet嘅感情，先可以演到好sweet嘅角色。」

恨收情人節禮物

問到情人節正日男友會否速遞自己到片場送驚喜？衛詩雅反應甚大：「如果佢咁做，我實同佢鬧交，佢嚟會影響我拍戲情緒。」但她就出口術說：「佢人唔嚟啫，可以寄過嚟，如果嗰日收到情人節禮物都唔錯。」

衛詩雅睇中大批首飾慢慢試。	眼光獨到的衛詩雅不忘為媽咪和家姐挑選鑽石頸鏈。	店員為衛詩雅試戴手繩。

買埋畀媽咪家姐

她除選購一對藍寶石和鑽石情侶手繩外，還打孖上買了兩條玫瑰色黃金鑽石頸鏈，一向注重家庭的她，視媽咪和家姐為情人，曾修讀鑽石鑑證的她眼光獨到，故自薦代爹哋和未來姐夫買禮物送給他們的情人。

文：名人組

化妝：Miko Wong@Cyrus Lee Team

髮型：Lupus Chui@pi4.hk