李明蔚大病初愈　再尋音樂夢

李明蔚是前組合小龍鳳的成員，組合在2010年成立，可惜兩年後因明蔚突然患上罕見的腺樣囊性癌而解散，對此她坦言感可惜：「嗰段時間係啱啱開始，失去咗呢啲機會都有唔開心過，之後都接受咗呢個事實，因為身體健康最重要。」最後她花了約半年時間做電療和化療，成功對抗癌魔，並感謝家人一直支持：「所以依家會盡量多啲陪佢哋孝順番佢哋，亦想搵多啲錢報答父母。」