葉楊事業有成 珍惜家人
歌手葉楊（YY）踏入猴年已收到好消息！原來早前YY在台南所拍的歌曲《角落》MV，入圍香港流行音樂MV頒獎禮第二度季選的「新人MV組」三甲！YY興奮說：「感激公司、拍攝團隊同Fans嘅支持！呢個MV兩個月前喺台南拍，當地風景好靚！估唔到遇上天災，所以新年願望係天祐台南，大家身體健康，平平安安！」
YY雖是年輕一族，但對傳統中國農曆新年都十分看重，如在桃花樹下沾沾旺氣：「細個都會喺桃花樹旁邊兜圈，攞番個意頭。今年開始求人緣，希望工作順利。桃花？益吓身邊嘅大家！人愈大，對新年願望都會不同，依家出嚟做嘢幾年，就好珍惜同一家人相處嘅時間，想同家人一齊團年或去拜年！」
另外，身為伯樂的「茶博士」葉惠民對YY入圍當然感到開心：「希望佢更有動力，創作更好嘅歌畀大家！」
