仙樂都桃花處處冇結果
o靚模仙樂都自言是個百分百神婆，對於猴年生肖運程預測，她一早已請高人指點，指自己今年有「場外桃花」：「我做娛樂圈，當然都好信風水、命理，我生肖屬雞，之前請咗師傅指點兩句，佢話我今年有『場外桃花』。場外桃花就係話我嘅桃花運處處都有，但係全部都係短暫嘅拍拖，開花結果嘅就要再等吓！」
仙樂都直言只好寄情事業：「師傅話我今年嘅事業好好，有3粒吉星拱照。有男性貴人，可以配合做生意、經理人，或者做拍檔，仲有一粒吉星可以加強屬雞者嘅創作能力。師傅叫我做多啲作曲、作詞方面嘅創作，屬雞嘅人今年會魅力四射，發光發亮。我都祝願大家事事順利，大紅大紫！」