碩士女藝人柯嘉琪（Kiko）去年推出寫真後人氣大增，向來喜歡試新事物的她不停增值自己，最近鍛煉Flying Yoga修身之餘又跟老師學唱歌，望做到Sing色藝俱全！考獲九級鋼琴的她音準方面冇難度，但要努力練氣：「最近多咗跑步、做Sit Up，仲要吹水樽練丹田，順便練埋腹肌。」
Kiko自小甚有表演欲，享受上台彈琴唱歌感覺。問到省鏡的她求學時是否風頭躉？她說：「讀大學都有啲男仔話要同我Take同一堂，有節日又會送禮物畀我，呢啲回憶幾特別。」
