王君馨好事近「洗碗公」問戒指喜好

曾在美國留學的王君馨（Grace）常被稱呼為半個「竹昇妹」，她趁新年首度挑戰棍打「竹昇麵」寓意步步高升！問到她平日可有入廚？Grace自爆要先搵「洗碗公」：「我唔鍾意煮，因為太唔鍾意洗碗。如果第時老公會洗碗，咁我就會好恨煮嘢。」與長居外國的男友蜜運十年的她，直言被對方的「住家男」特質俘虜：「佢幫我洗碗執屋，我就會愛上佢！」談到結婚打算，Grace甜爆透露獲對方打探對戒指喜好，暗示好事近：「佢近期問我鍾意咩戒指？我淨係話唔鍾意圓形鑽石咁悶，佢自己諗喇。（想幾歲前結婚？）期待我哋喺同一個城市先，佢係個踏實好男人。（想35歲前生B？）都係。」