柏豪加碼派獎金 連詩雅學做靚煮婦
華納歌手周柏豪及連詩雅（Shiga）齊齊落手炮製賀年點心「靈猴獻瑞奶黃包」和「年年有餘餃」，過去一年賺到盆滿缽滿的柏豪自爆會派畀平日多幾倍的「獎金」給父母過年。而Shiga新一年想增進廚藝，將來做個「入得廚房，出得廳堂」的好太太、好媽媽！
周柏豪、連詩雅（Shiga）聯同華納一班師弟妹Dear Jane、陳詠謙、曾若華（Jude）及A2A成員吳燕菁（細Ann）進行團拜，Shiga一見到美食當前即流晒口水說：「食完呢個『原隻鮑魚蠔豉卷』，新一年一定好事連連！」柏豪亦夾起「鴻運脆金雞」，望今年可以鴻運當頭！而身為師兄、師姐的柏豪及Shiga更特意向點心師傅蔡秀龍拜師學廚，親手炮製「靈猴獻瑞」奶黃精靈猴和「年年有餘」石頭魚餃點心。兩人雖然甚少下廚，但做起上來亦有板有眼，出來的製成品亦非常成功！
最愛拜年送祝福
柏豪坦言向來很重視中國傳統節日，特別是新年：「西方嘅節日我唔鍾意佢哋有好多消費嘅概念，坦白講我就冇咩心嘅，好少送禮物畀人，但我就鍾意拜年，送啲祝福畀人！」作為孝順仔的他更透露過年給父母的「家用」亦會更加豐厚：「唔止派雙糧，係派4、5倍糧，所以我都期待新年好似派獎金咁！」
鋪定路嫁人生B
而Shiga謂每年都會到姨婆家過年，吃對方親手包的「上海蛋餃」，不過鬼妹仔性格的她平日只會整甜品，今年希望可以增進廚藝，因覺得會煮菜的才算真正的女人。學廚除為將來做個「好太太」外，原來Shiga更恨當一個稱職媽咪，她說：「唔淨係為嫁人嘅，做媽咪都係，如果你小朋友問你識唔識整嘢食，你話唔識，就好唔媽咪囉，我覺得咁樣（識煮餸）會圓滿啲！」
文：音樂組
攝：吳文聰
場地：鴻星中菜（尖沙咀格蘭店）