張繼聰穩陣買基金

藝人張繼聰未受農曆年假後首個股票交易日大幅下瀉影響，他稱投資以穩健為主：「股票上落對我冇乜影響，就算依家股票跌到咁多，都唔會趁低吸納喇，買基金穩穩陣陣就得。」而昨日現身將軍澳電視城的他以浴袍示人，自嘲脫星又要剝，笑言新年與蘿蔔糕無緣，靠食烚菜減去20磅連屁股都消失：「出面啲導演都話我Body咁好，可唔可以拍多一兩場戲呀，我直接話要加錢。」