呂慧儀狼咀張頴康　錫足10秒

藝人呂慧儀（阿蟹）與張頴康日前拍攝《一屋老友記》錫嘴戲份，現實中已成人妻人夫的他們未見尷尬，拍攝時阿蟹更「主動出擊」，扯張頴康衣領令對方埋身，並用力送上肉嘴，嚇一嚇的張頴康表現驚訝，但亦十分配合，攬實阿蟹的纖腰落力回咀，二人一個鏡頭咀足十秒，張頴康更被阿蟹咀到成嘴唇膏印，及後再Take一次，二人同樣出力咀。
呂慧儀扯張頴康埋身咀，場面火辣。
呂慧儀扯張頴康埋身咀，場面火辣。

第二個咀嘴鏡頭則是劇中的張頴康幻想片段，阿蟹以新娘抱方式咀張頴康，張頴康更high到抬腿，場面搞笑，二人同樣咀足十秒，一take過完成！事後兩人均表示未有向另一半備案，談到與人妻拍咀戲，張頴康說：「佢老公（黃文迪）成日嚟探班，搞到我拖住佢都尷尬。」呂慧儀不擔心老公「詐型」，反而擔心囝囝見到，不知道如何交代，她說：「怕佢大咗睇電視會唔知點諗。（怕佢睇呢場戲？）一播到呢場遮住佢對眼囉！」

劇中張頴康咀到抬高隻腳，非常High呢！
  • 劇中張頴康咀到抬高隻腳，非常High呢！
呂慧儀和張頴康均沒有向另一半備案。
  • 呂慧儀和張頴康均沒有向另一半備案。