陳志健拜年整蠱陳寶珠

藝人陳志健（Otto）與老婆羅苡之、外母陳寶儀及外父羅樂林等向陳寶珠拜年，Otto更與寶珠乖仔楊天經趁寶珠影相時，化身馬騮仔整古做怪，Otto說：「寶珠姐超nice！我同天經見佢哋喺前面影相，咪匿喺後面扮『攝石人』囉！其實年年都會同寶珠姐拜年，不過舊年（羊年）老婆整傷腳，我哋冇出去拜年，今年正式『復出』！（寶珠封大利是畀你？）我都講咗好多句恭喜說話，祝佢5月《牡丹亭驚夢》演出順利！」