Twins入不敷支搞巡唱吸金
組合Twins、林欣彤（Mag）、馮允謙等前晚出席年廿九倒數迎新春活動，蔡卓妍（阿Sa）自爆前一晚在老闆楊受成家賭錢，因為老闆一贏錢就會派錢，所以有不少「收穫」：「都好可觀o架，我哋唔係搶嘅，係好努力去爭取番嚟！」兩人又講到每年利是收入和支出都「入不敷支」，所以希望今年收入增加。Twins又透露將會舉行巡迴演唱會，亦會參加內地真人騷《心路》：「我哋第一次一齊上真人騷，佢係講禪修嘅，會去寺廟，同埋有啲方丈會嚟，應該會有所得着！」
林欣彤為溫拿獻聲
另外，阿Sa表示會到日本旅行，問到演唱會的送花男可會隨行？她表示：「唔包括，我都話嗰個係fans嚟，你哋又唔信！」而問到舊愛陳偉霆在內地拍戲受傷，工作人員即為阿Sa護航。
而同場的Mag透露將會為溫拿演唱會擔任嘉賓，屆時父母都會捧場，另外問到新公司簽約的情況，她表示：「希望猴年可以快啲公布！依家工作量都冇少到。」再問她新年可會與緋聞男友補習天王David Chiu約會？她即迴避問題：「有小小驚咗，希望之前啲新聞冇影響到佢，祝佢新年快樂。」