周秀娜多人追財色兼收！
女神周秀娜（Chrissie）趁踏入猴年處女扭氣球金猴，祝大家猴年生生猛猛，動若靈猴！扭過金猴，有圈外追求者的Chrissie更講到明要求他日男友求婚，要扭氣球教堂，浪漫求婚！談到新年願望，她更豪言預計頭半年會賺八位數，實行財色兼收！
新年伊始，周秀娜一於豁出去，因為她小時候很怕氣球爆破，為了挑戰自己，在氣球師Mighty的指導下，扭六呎高金猴。儘管扭時有點雞手鴨腳，把金猴腳扭成「象腿」，但最後都能扭出一隻會食蕉的「金猴哥哥」，單身的Chrissie還當正「金猴哥哥」為男友，又攬又錫，並餵「牠」食蕉，場面搞笑。
男友要有手藝
對於處女扭氣球，Chrissie說：「其實我細個就驚氣球會爆，不過每次見到啲氣球師好似變魔術咁，真係好得意，所以趁猴年到，就挑戰自己！」對於自己的作品，Chrissie相當滿意：「呢隻『金猴哥哥』我有份扭，真係好靚好得意，真係想帶佢返屋企，日日攬住佢！」Chrissie更表示覺得每個男仔起碼都要有門手藝，在適當時候氹另一半，她還講明：「希望第日有人可以扭個氣球教堂出嚟向我求婚，要行到入去嗰隻，咁就夠晒浪漫！」
可是Chrissie如今仍是單身，問會否心急想結婚？她說：「自己都大個啦，唔再好似小妹妹咁，一定要大時大節有人陪自己，發覺家人同朋友都好重要！」但Chrissie自爆有人追：「係有圈外人追我，唔只一個添，不過都係做住朋友先，要了解多啲先再進一步都未遲！」
想出自家香水
桃花旺，當然想發埋大財，Chrissie透露她的內衣店已在深圳開實體店，今年投資高達七位數字，亦希望創立自家品牌推出香水和時裝，問希望今年賺幾多錢？她豪言：「我知道頭半年八位數字等緊我！哈哈！」不過，Chrissie表示最緊要是身體健康：「猴年開始真係唔想再有傷病，我會Keep住做多啲運動，希望好似猴子咁活躍，約定下年學識爬樹，摘生果畀大家食！」
文：專案組
氣球：奇迹創藝有限公司
場地：five by 5