胡定欣唔想失戀 收草戒指都嫁

胡定欣、陳豪、田蕊妮、關禮傑、楊秀惠等昨日於電視城出席無綫新劇《來自喵喵星的妳》造型記者會，除了陳豪以「潮流愛因斯坦」科學家新look示人之外，阿田亦一頭灰髮配襯主角之一的灰貓，楊秀惠則中門大開性感示人。

唔想要汽水蓋掩

提到堪輿學家陳子才於《東網》節目《玄學星相》指定欣於猴年感情有變化，「非婚則分」，定欣笑言不想分手，但卻以工作忙碌迴避結婚話題。提到好姊妹李施嬅早前上載鑽戒相時，她表示該鑽戒屬胡蓓蔚所有：「係豹哥（單立文）先有錢買。（男友陳道明有冇送過？）未送過呀，呢啲咁昂貴，我又大頭蝦易唔見嘢。（求婚用汽水蓋掩都得？）咁又唔得。（橡筋或草戒指？）草戒指都OK。」

楊秀惠唔怕凍，以低胸性感示人。	林泳淘（左起）、陳潔玲、陳婉衡有份參演《來自喵喵星的妳》。	關禮傑繼續以《鬼》劇的「二撇雞」趣怪造型拍攝。

陳豪盼人貓共存

阿田為此劇染得一頭灰髮，更為啖氣大減十磅：「我問監製要搵隻點嘅貓，佢話要搵隻肥嘅，佢激嬲咗我！（瘦咗幾多？）有十磅o架。」陳豪在劇中的太太定欣因愛女棄貓，與陳豪現實中的太太陳茵媺當日因懷孕棄貓不約而同，陳豪即時為太太護駕：「兩睇啦！其實我明白我太太，佢鼻敏感嚴重，食藥食得好緊要，就算唔養貓都係咁。如果冇嘢嘅當然大家共存啦，世界大同嘛。」

文：影視組