藝人鄭伊健及星級造型師Ricky Kwok（郭慶彬）前晚出席I.T旗下品牌活動。將收爐的伊健會休息至初十一，透露每年都會到旺角逛街：「新年比較少人，可以睇吓個變化，以前我會落旺角買玩具，但近幾年都執晒。」至於新年預派多少利是？伊健坦言要派給一班「古惑佬」的小孩：「佢哋個個都生咗，得我冇，其實我每一年都蝕錢，但我鍾意！（快啲生番個？）唔使喇，我寧願畀。（有出冇入？）會有賭局嘅。」
