張家瑩派「散水餅」心噏爆喊
藝人張家瑩昨日約滿亞視，特意買西餅回亞視派「散水餅」，早前曾向公司提出續約要預支六個月薪金的她，因雙方未能找出妥協方法，故迫不得已地離開，仍未收到一月薪金的她說：「今（昨）日last day，係要7日內畀我。（公司畀到？）畀唔到都要畀，法律上係要7日內找數，希望順利，大家好嚟好去。」
士氣低沉
談到亞視被惡搞改圖，指今天晚上7時就會結業，家瑩表示不知情，問她會否心噏？她哽咽答心噏，繼而流淚：「好唔捨得，無諗過咁樣last day走，喺度好多開心嘢！」她逗留亞視兩小時後再見記者時，表示探訪藝員科同公關部後心情舒暢：「見番大家好親切，同亞視關係友好，藝員科話可以by project合作！」
及後又再會見亞洲電視營運總裁馬熙，至於有否關心同事的出路？她謂士氣較低沉，並透露有同事引用10A條例自動遣散而辭職，又指有傳公司2月5日出糧。另外，亞視公關及宣傳科高級經理黃守東以短訊回應亞視被指今晚結業的消息，表示亞視運作正常，亞視會保留有關惡意中傷的消息追究權利。
文：影視組