何傲兒冷待周子揚：冇晒感覺

藝人何傲兒（Lily）、歌手許廷鏗、藝人李司棋及名人林建名女兒兼仁濟主席林煒珊，昨日一同出席仁濟醫院全港賣旗日。Lily對於早前被舊愛周子揚指拜金，她謂不希望此風波沒完沒了，已交由律師處理，要求對方公開道歉，她說：「有啲嘢事態嚴重就應該要嚴肅處理，人要為自己講過嘅嘢負責任。（你同屋企人邊個嬲啲？）與其用嬲字，係唔開心多啲。（再見不是朋友？）對呢個人冇晒感覺。」問到老闆林建名有否呵番自己？她開心表示獲林生一家人支持：「之前同佢哋一家人去日本旅行，全家人都好錫我，佢哋成家人係呢件事上都好支持我。（林生係咪都好嬲？）佢都覺得呢件事嚴重，支持我搵律師出信。」她其後透露下星期將會有公司團拜，向林生拜年，又謂現階段未有心情談戀愛。