李丞責算出BB性別
堪輿學家李丞責昨日出席賀年節目《都市閒情》錄影拜神，對於太太劉倩婷三月生B，他透露太太肚子愈來愈大，故近日大多留在家中下廚，令他不自覺胖了不少。
談到倩婷對BB性別保密，李丞責坦言也能計算出來，問他買哪個性別BB服？他說：「細個BB仔同BB女啲衫都難分，但留意太太睇嘢時對某啲嘢特別留意，所以應該百分之百中。（唔問佢？）費事估中佢會失落。」更指太太生B前後兩星期會停工陪伴，但由於手停口停，故呼籲大家幫襯他，讓他多賺一點奶粉錢。問到可有為BB找學校？他謂：「好多朋友都當禮物咁送學校申請表畀我，呢個路程好長，我唔希望太怪獸，所以都係隨機應變！」