何浩文拍床戲女友呷醋
有份出席食肆開幕的藝人何浩文（Dominic）昨被問到跟空姐「新歡」唐紫瓊（Candy）的戀情發展，他表示還未跟對方正式拍拖，但指雙方發展不俗，他謂：「大家相處模式幾開心，佢係幾好嘅女仔，so far冇見佢有乜缺點。（咁耐都唔正式拍拖，驚唔驚個女仔唔等你？）唔會，都有keep住見面、傾偈。」
Dominic近年跟文凱玲合作無間，拍戲更不乏親熱戲，問他可擔心Candy不喜歡？Dominic笑道：「一啲都唔驚！因為我有預先同佢心理輔導，佢都冇介意。（火辣場口呢？）所以佢有幾日冇同我講嘢，哈哈，佢飛咗去做嘢啫，知道佢點都有啲唔開心，我都有請佢食餐飯補數。」早前錄歌的他，還直言考慮下張專輯為女方寫歌，果然冧招盡出！