有藝人選擇坐Uber，也有藝人從未考慮過坐，周嘉莉就搞笑指「坐Uber安全過自己揸車」，而一向有駕車習慣的莊思敏及高海寧就曾坐過Uber，反觀林盛斌就自己揸車、請司機接送老婆與囡囡，也不Call Uber！
高海寧：「我喺美國已經坐過Uber，服務好好，上車有水又有叉電線，至於保險方面，我又冇諗過，我當自己係乘客搭的士。」
周嘉莉：「我係Uber常客。（冇保險？）我信唔過自己（揸車）多啲喎，佢哋手車好穩陣，服務周到又有水飲，起碼唔會拒載！（王宗堯客串做司機？）應該多女仔call車。」
莊思敏：「有時揸唔到車或Call唔到的士就Call Uber，不過就唔知個司機買咩保險，我當坐朋友車，坐朋友車都唔會問對方買咩保險o架啦！」
林盛斌：「真係未Call過Uber，我都唔記得有Uber呢個服務，平時出入自己揸車，又請咗司機畀老婆同囡囡用，好趕又冇揸車就直接截的士。」
