陳志健「醉」鍾意Loop嘢講

藝人陳志健(Otto)早前接連拍攝健身中心與酒品廣告,拍攝時撞正他患上俗稱「生蛇」的帶狀疱疹,左邊面勁爆紅疹,相當礙眼,他說:「因為工作冇得再押後,拍嘅時候都要就角度、就鏡頭,搵方法點遮,出嚟效果都OK!酒嘅廣告係返深圳拍,個廣告以英倫感覺做主題,所以我西裝Look上陣。我平時都鍾意飲少少酒,同朋友飲酒傾吓偈,又或者喺屋企飲少少酒再睇戲,感覺幾好Feel,但生蛇嗰排當然就忍一忍口戒飲。(醉咗會有咩失儀舉動?)聽朋友講我醉咗會好多嘢講,不斷重複講同一番說話!」