陳嘉容擇偶冇要求

單身的名模陳嘉容Eunis，昨日與一班小朋友出席慈善瓷畫展，她透露有學過陶瓷半年，問到有否與男友像電影《人鬼情未了》中的經典男女主角相擁玩陶瓷？她笑說：「我冇男朋友，嗰陣時都冇， （好耐冇拍拖？ ）係呀，好難搵，有追求者，但唔係好啱！」她表示期待猴年有姻緣，笑言擇偶條件很廣闊，身高、國籍、年紀也不介意。記者再問她跟小朋友相處，會否有當媽媽的衝動？她笑說：「呢個問題好矛盾，如果乖就想，扭計就會怕，我本身未有好熱情。 」Eunis謂若將來有另一半，對方想要小朋友會盡量配合，亦可考慮人工受孕，但現時不會先雪藏卵子，一切順其自然。