陳茵媺生到攰封肚
懷有六個多月身孕的藝人陳茵媺，昨日以紅色tube dress出席賀年，現場所見其肚子很大，她透露預產期是五月，問到性別時笑說：「下星期先知，（咁遲嘅？）佢鍾意遮住自己，（期望囡囡？）唔敢期望，我自己都鍾意仔，依家終於感受到兩個小朋友差唔多年紀嘅開心，細佬會撩大仔玩，見到佢哋，覺得幾辛苦都值得，（兩個仔想要妹妹定細佬？ ）佢哋太細未識，期待好熱鬧，三個夠晒，（宣布封肚？）我依家話係，因為都好嘅，我又鍾意自己湊。」她指家庭重要，但直言自己仍有夢想，希望可拍更多作品突破自己！
而同場的準爸爸安志杰Andy就透露未婚妻Jessica C.預產期為三月多，過幾天便會返美國陪伴待產，並打算入產房及剪臍帶。他更透露BB是女嬰：「我鍾意女，初頭以為係仔，（會唔會再生？）Jessica想，我就覺得生咗呢個先，不過有個弟弟或妹妹係好啲！」他表示囡囡已改英文名Tessa，靈感來自Jessica全名Jessica Tess Cambensy的Tess，而a則代表他的英文名Andy，至於中文名就留給母親改，他笑說：「安志杰係我藝名，我係姓「田」，國語甜的讀音，所以有講笑叫甜不辣。」而二人暫定於今年十月正式結婚。