撫養權有分歧 阿Yu：可以傾嘅

對於Roy公開新戀事，阿Yu透過經理人表示「呢啲唔回應」，至於Roy指所提出的撫養權條件令他不能接受，阿Yu只說：「已經交晒畀律師處理，其實可以傾嘅。」而阿Yu在昨日播出的電台節目訪問中講湊女苦與樂，感激父母抽空湊孫，讓她出外搵奶粉錢：「公公係溺愛，畀一啲我唔畀佢哋食嘅嘢！（你對兩個女好嚴？）好小心畀糖同零食佢哋食。」還自爆遭細女厭棄：「有一次喺房換衫，佢以為我出咗門口，就問公公：『媽咪係咪走咗？』因為我走咗佢就可以食雪糕同零食！（地位被公公取代？）OK嘅。」但隨即有弦外之音：「佢哋都要畀多啲唔同男性錫嘅。」