周永恒轉軚認戀爆乳新歡
現年31歲的歌手周永恒（Roy）因跟o靚模劉依靜鬧婚外情及發生家暴事件，正跟趙頌茹（阿Yu）分居中，繼日前阿Yu自爆Roy不肯離婚後，近日又傳出他搭上只得23歲、擁有34C身材的女子組合o.m.G爆乳成員黃芊詠（Cherie）。前日曾否認緋聞的Roy，昨日接受《東網》獨家訪問時又轉口風，坦承跟Cherie相戀：「我哋開始咗個幾、兩個月，之前唔想公開係因為唔想咁多新聞，但又唔忍心佢畀阿媽鬧，承受好大壓力，所以依家認拍拖。」
唔同意離婚條件
問到是否同居？Roy避談只反問：「依家咩年代呀？」當追問如何開始？他透露早前跟劉依靜分手後情緒低落，擔任Cherie新歌監製時幸得對方開解，共同度艱苦日子，讚女友同樣是音樂狂熱分子，加上兩人同一宗教，自然撻着變成戀人。
至於與阿Yu的離婚手續尚未完成，如今又有新戀情，可會怕招非議？Roy說：「啲網民係唔係都鬧o架啦！」他更強調並非不想離婚，而是阿Yu提出的條件不能接受：「我唔係同佢爭女，只係想共同撫養，但佢透過律師話兩個女嘅撫養權歸佢，我可唔可以見兩個女全由佢決定，我唔接受囉！佢對我只有恨，唔係為兩個女好。（即係唔離婚？）唔係，只係因為兩個女而『Kick』住咗。（贍養費有冇傾？）未傾到錢。」他認為現跟阿Yu與離婚沒分別，因已分居快兩年。
「婚書代表啲乜？」
至於跟Roy十指緊扣的Cherie接受訪問時被問到可會覺得男友現時的身份相當尷尬？她豪氣說：「一紙婚書代表啲乜？」又指作風一向我行我素，不會理外界評論，當問愛Roy甚麼？她說：「冇呀！才華係其中之一囉！」
文：音樂組