方力申回鄉探親撇甩鄧麗欣

藝人方力申昨日出席活動,他透露新年將到北京探親,但今年不會帶女友鄧麗欣(Stephy)同行,他說:「因為我年初二就返香港做活動,淨係留兩、三日,好趕,嗰邊又好凍,佢唔使年年去嘅。」提到他與Stephy演出的電影《紀念日》港澳票房衝破2千萬,問小方是否會除衫答謝觀眾?他笑說:「除衫係要等老細請咗我哋去旅行先!(幾時請?)話明老細,梗係要等佢出聲先。」之後可會再與Stephy情侶檔合作?他說:「我哋好被動嘅,睇吓有冇人搵囉。」