宋熙年陳智燊 讚郎才女貌
高海寧（高Ling）被《好報》踢爆跟音樂才子鄧智偉秘撻三年，眾好友宋熙年、陳智燊(Jason)及金剛都讚二人合襯。熙年表示高Ling沒跟她提及戀事，坦言會問她，更笑言：「如果真係拍拖又唔同我講就會嬲囉！不過我覺得鄧智偉好有才華，但高Ling鍾唔鍾意就唔知。」
而Jason接受訪問時坦言有看片段，更由頭看到尾，他謂：「我都愕晒然！」Jason又指覺得他倆合襯：「高Ling就係男士都想追求，而智偉個人好重情義，好有才華，高Ling又話要搵男朋友，都係時候。」而金剛聞言即謂：「真係唔知喎！估唔到囉！都OK呀！鄧智偉係好有才華嘅人，中晒高Ling要嗰啲要求。」
