鄭欣宜簽支票手震

欣宜餅店開張，心情大靚。

歌手鄭欣宜的曲奇店昨日開業，獲一眾好友如關心妍、許廷鏗、林欣彤等人到場支持。首次做老闆，欣宜開心的說：「呢件事一年半前開始，喺我屋企廚房，一個小焗爐同我一對手整出嚟，有個朋友食完好鍾意就同我夾份搞生意。（投資咗幾錢？）商業秘密。（幾多位數字？）係我過去呢幾年嘅積蓄。（七位數字？）係呀，我簽支票嗰陣手都震埋，不過大個女係要學吓投資。」

關心妍有意入股

雖然現時市道不好，但欣宜就謂人只活一次，所以要大膽些。問到為何不叫爸爸鄭少秋出席開幕禮？她笑言：「我好衰，特登唔叫佢嚟。（驚丁蟹效應？）其實佢好好，不斷問我使唔使幫手，但我大個女想自己親力親為，不過佢會成日買曲奇送畀朋友食，已經係最好嘅支持。」

欣宜飛撲入懷，看來許廷鏗有點吃不消。	關心妍、陳慧敏、胡鴻鈞等畀面撐場，欣宜當然要分甘同味。	許廷鏗與林欣彤都戥欣宜開心。

關心妍大讚欣宜的曲奇餅好食，並有思鄉的味道：「有我之前喺加拿大讀書嘅味道。（欣宜話歡迎朋友投資？）我可以同（老公）楊生傾吓，我哋對飲食好有興趣，都對欣宜整嘅曲奇有信心。」

文：音樂組