陳瀅直認跟姓何同居

陳瀅（Jeannie）昨日出席時裝騷，是自爆戀情後首次露面，她透露剛從溫哥華「充電」回來，為想引開與猷亨的戀情，自爆在美國被人盜用信用卡，損失4000港元，已即時致電信用卡中心。被問到此行為何不帶男友見家長，她說：「想同屋企人有私人時間，遲啲先，佢哋都知，有講少少，（滿意男友？）未知，因為未見面，未有評論。（幾時係合適時間？）等再穩定啲，睇吓幾時一齊有時間，因為要飛成10幾個鐘。」

兩人讀書已認識

對於四太梁安琪開綠燈，陳瀅明顯不願多說何家事：「你哋講啫，你問番佢啦！」而兩人首個情人節，陳瀅透露還未想到如何慶祝，新年也未知會否到何家拜年，只謂希望情人節在工作中度過：「因為我放咗3個星期假，冇做嘢好悶，（唔怕男友投訴？）開心就每日都係情人節，拍拖係應該開心，（係咪畀滿分男友？）要再觀察吓。」她又透露兩人在讀書時已經認識。對於有指居住男友物業，問到兩人是否同居，她搞鬼說：「我係同人同居，都係姓何嘅，不過佢係何雁詩，同居咗一年，我哋一齊租住，業主唔係男友嗰邊嘅人。（係咪開心男友幫你澄清？）阿Moon（劉佩玥）sweet啲，佢同我講『唔係我撬人牆腳，係我被人（猷亨）撬牆腳。』」

何猷亨	何雁詩	陳妍希表示太忙，未有時間籌備婚事。

何雁詩拒一齊嫁

而何雁詩昨日就透過電訪指兩人住在一起一年，陳瀅男友何猷亨亦曾出現在家中：「有時我哋兩pair人都會喺屋企一齊食飯！」又表示即使與Jeannie是好姊妹也不想一起結婚：「結婚我都想做主角，唔想畀佢哋爭attention，好姊妹還好姊妹，婚又唔可以一齊結！」

同場還有台灣女神陳妍希，透露忙於宣傳電影《奔愛》，將於2月14日情人節上映，如男友陳曉有時間，會一齊前去觀看度過情人節，問到是否最後一個單身情人節？她說：「沒有想那麼多，最近太忙，未有時間籌備（結婚）。」

文：名人組