陳山聰開心有好成績

跑全馬的藝人陳山聰，於昨早10時半左右便衝線。熱愛跑步的他已參賽了三年，他指今年比賽是最舒服：「Very Good！練跑都試過落雨但冇今日咁誇張。（成績？）我手機紀錄係3個鐘30幾分鐘，已經超出理想，上年我跑3個鐘54分鐘，快過呢個成績3、4、5分鐘都已經開心到癲。」事後他竟在微博聯同「Crazy runners」成員胡定欣及胡諾言發放「尋人啟事」，因與有份參加比賽的謝東閔失去聯絡，擔心他被雨水沖走！